Туркияда бўлиб ўтиши кутилаётган IV Жаҳон Кўчманчилар ўйинлари 2021 йилга кўчирилди. Бу ҳақда ҚР Ёшлар, жисмоний тарбия ва спорт Давлат агентлигининг матбуот хизмати хабар берди.
Таъкидланишича, бу қарор коронавирус инфекцияси тарқалиши ҳамда спортчилар ва бошқа иштирокчиларнинг саломатлиги йўлида қабул қилинди.
IV Жаҳон Кўчманчилар ўйинлари 2020 йил кузида Туркияда бўлиб ўтиши керак эди.
Жаҳон Кўчманчилар ўйиннлари Қирғизистон ташаббуси билан 2014 йилдан ўтказиб келинади. Ўшанда биринчи ўйинлар ўтказилганди, иккинчиси 2016 йилда, учинчиси 2018 йилда бўлиб ўтди. Уларнинг ҳаммаси ҚРнинг Иссиқкўл вилоятида бўлиб ўтган эди. Спорт мусобақалари Чўлпонотадаги физкультура-соғломлаштириш мажмуасида, маданий қисми эса Қирчин дарасида ўтказилганди. 2018 йилда ўйинлар ўтказилиши эстафетаси илк бор Туркияга топширилди.
Ўшанда ҚР президенти Сўўрўнбай Жээнбеков муаллифлик ҳуқуқи Қирғизистонда сақланиш шарти билан IV Жаҳон Кўчманчилар ўйинларини ўтказиш Туркияга топширлаётганини айтган эди.
